اختصارا لكلام كتير وأسئلة كتير...!

لو عايز تبقى Graphic Desginer يبقى لازم تتعلم

1/ Adobe photoshop

2/ Adobe Illustrator

Adobe photoshop

 ولو عايز تبقى محترف أكتر كمان دوس Cinema 4D

مع العلم ان الفوتوشوب لوحده
 ممكن يكون كافى على حسب ابداعك وتفكيرك وأحترافك

اما بقي لوعايز تبقى Editor ( مونتير )
يبقى تتعلم حاجة من الاتنين دول 

Adobe Premire Pro (Recommended)

او

Final Cut 7 Or X

اما بقي لوعايز تبقى 2d Motion Designer 

يبقى تتعلم

حاجه من الثلاثه دول

Adobe photoshop

Adobe Illustrator

Adobe aftereffect

بطبيعة السوق فى مصر او شغل الفرى لانس الافضل تكون بتشتغل التلاتة مع بعض ولو ربنا كرمك بتيم كويس تشتغل معاه او شركة فممكن ترتاح من التصميم وتحرك انت بس على الافترافيكت

ملخص الشرح علشان مش اطول عليكم

نتيجتك من شغلك هى اللى هتخليك تشتغل .. اشتغل على نفسك كتير جدا واتفرج كتير جدا  وحاول تعمل حاجات مع نفسك كتير واصبر واصبر واصبر وهتجيلك الفرصة باجتهادك وربنا هيكرمك .. مفيش حد فينا متعبش واعرف ناس تعبت كتير جدا وهما دلوقتى شغالين فى اعمال عالمية وشغلهم بيشوفوا العالم كله
الموضوع بس محتاج وقت وثقه في نفسك وفي ربنا 

الاساسيات بتاعت اى برنامج من دول اسهل حاجة ممكن تتعلمها بس المهم تدوس وتتعلم وتمارس وحط تحت الممارسة دى الف خط

المشى او الكتابة احنا بنعملها دلوقتى بسهولة جدا جدا عشان اتدربنا عليها كتير اوى زمان .. بنفس المنطق هتتعلم البرامج ده بس دوس على نفسك واستغل الوقت واعمل كدة .. والله البرامج سهلة .. اقسم بالله سهلة

واخر حاجة عشان اتسالت كتير جدا عن ( هل فى فرص شغل فى المجال ده )

والله ياجماعة الشاطر بيشتغل والمجتهد بيشتغل .. زمان سالت نفس السؤال ده من 7 سنين لشخص ما.. قالى لو عندك واسطة هتشتغل فى قناة .. الجملة كانت قاتلة بالنسبالى وكملت وسبتها على الله والدنيا شالتنى وحطتنى وعديت بظروف ومواقف صعبة واحباط وضيق واللى عارفنى عاش معايا وشاف وزى اى حد بيحاول يجتهد يعنى ودلوقتى الحياة اختلفت ونفذت افلام ومسلسلات واعلانات فى مصر وبرة مصر وكرم ربنا كان كبير جدا

وفقكم الله 

تبعونا علي المدونه ليصل لكم كل جديد 

جرافيك مان